Skrywer: Ena Murray

Formaat: Groot Sagteband

Toestand: Baie Goed

Ware liefde vra altyd ‘n offer..

Die kluisenaar van Abendruhe

Thero van Zyl, beeldskone maar bedorwe sosiale vlinder met ‘n geheimsinnige kwaal, is verplig om die eksentrieke kluisenaarsdokter in die Drakensberge te besoek. Magriet, haar plat-op-die-aarde niggie, moet saam.

Alte gou besef Magriet dat dokter Emile Fraser geen speletjies duld nie. Of so dink Magriet – totdat sy gewese liefde, Alta Eksteen, en haar seuntjie by die hospitaal opdaag.

Tweestryd op Blye Vooruitsig

Ná jare van vervreemding beland Maddaleen Retief weer op haar oupa se plaas danksy ‘n brief van sy dokter, François Dumas. Maddaleen raak verstrengel in ‘n bitter tweestryd tussen François en Simon van Marq – om die verwaarloosde Grasbult, en beslis nie om haar nie!

Sy besluit om die plaas self reg te ruk, al weet sy niks van boerdery af nie. Maar met Simon se duister motiewe het sy haar heeltemal misgis . . .

As die wiel draai

Toe die ryk Killians van Ebenhaeser bankrot raak en eindelik hul erfgrond, Ebenhaeser, verloor, stort al Charlene se lugkastele vir haar toekoms in duie. Maar daar is hoop: Charlene en haar pa kan terug na die plaas – as bywoners.

So draai die wiel, so word die rolle omgekeer. Want die Killians trek nou in die bywonershuisie in. En Henk de Beer, eertydse bywonerseun, is nou die eienaar van die plaas.

Bring dan jou offer

Soveel mense, soveel grense Aan die een kant, Ninon Weyers, naïewe kelnerin by Swanepoel en Kie. se restaurant. Oorkant die grens van snobisme en groot geld, grootbaas Bertram Swanepoel.

Nie een van die twee nie, selfs nie eens Tinus, die Swanepoels se kroonprins en sjarmante rokjagter met sy bedrogskemas weens dob- belskuld nie, sou ooit kon droom: liefde breek so baie grense af selfs dié tussen ryk en arm, waarheid en leuen.