Skrywer: Collin Wright

Formaat: Medium Sagteband

Toestand: Baie Goed

Kleinsakebestuur in Suid-Afrika deur Collin Wright

Die gedagte om ‘n kleinsakeonderneming te begin, is aanloklik – om jou eie baas te wees, dinge op jou manier te doen en jouself finansieel onafhanklik te maak – maar hoeveel mense weet presies wat dit behels?

Suksesvolle Kleinsakebestuur verskaf die antwoorde, of jou onderneming nou ‘n eenmansaak is of ‘n klein maatskappy wat ander mense in diens neem; of jy jou eerste onderneming begin of praktiese hulp nodig het om ‘n gevestigde saak te bestuur. Al die basiese inligting wat jy moontlik sal nodig kry, word eenvoudig en duidelik in vier hoofstukke uiteengesit:

• Identifiseer sake-idees – Wat jy moet oorweeg voordat jy met jou onderneming begin. Dit sluit in die skepping en uitbouing van sakeidees, die beskerming van jou idees en die ordening van moontlikhede.
• Keuse en voorbereiding – Formulering van kriteria om jou te help besluit watter tipe onderneming jy wil begin en hoe om te beplan vir wanneer jy begin. Hierdie hoofstuk gee ook waardevolle raad oor die uit- breiding van die onderneming, kompetisie, versekering en krediet.
• Begin jou kleinsakeonderneming – Die algemeenste probleme van ‘n kleinsakeonderneming en hoe om hulle te vermy. Hoe om ‘n kleinsakeonderneming suksesvol te bedryf.
• Die praktiese aspekte van die bestuur van ‘n kleinsakeonderneming, insluitend finansiering, suksesvolle geldbestuur, bemarking en reklame, kosteberekening, en die aanstelling en bestuur van personeel.

Suksesvolle Kleinsakebestuur sal jou nie net help om jou onderneming te begin nie; dit sal dié boek wees wat jy herhaaldelik sal raadpleeg met\ die vestiging en suksesvolle bestuur daarvan.