Skrywer: Solly Ozrovech

Formaat: Groot Hardeband

Toestand: Baie Goed

Die Heilige Gees en Pinkstervolheid deur Solly Ozrovech

Ek sal die Vader vra, en Hy sal vir julle ‘n ander Voorspraak stuur om vir ewig by julle te wees, naamlik die Gees van die waarheid.
Julle ken Hom, omdat Hy by julle bly en in julle sal wees.
Johannes 14:16-17

Voor Jesus se hemelvaart het Hy belowe om ons nie alleen te laat nie, maar om die Heilige Gees as Trooster te stuur om ons by te staan. Met die uitstorting van die Heilige Gees is die gelowiges geseën met God se wonderbaarlike teenwoordigheid, en ons kan dit vandag steeds vir ons toe-eien. Pinkster herinner ons daaraan dat Jesus by die deur van ons hart staan en klop, gretig om ons met sy rykste seëninge te ontmoet.

Sal jy oopmaak vir hierdie geseënde ontmoeting met Hom; Hom toelaat om jou so te vervul dat jy ‘n lewende fontein sal word vir ‘n dorstige wêreld? In hierdie boek help beminde skrywer Solly Ozrovech die gelowige om opnuut die suiwer en reinigende vuur van die Heilige Gees te voel brand in sy binneste, te reageer op die roepstem van Jesus en daardie Pinkstervolheid uit te dra na ander vir ‘n ryke oes van geestelike krag en besieling.