Sjokoladevrou deur Isa-Lotte Konrad

Viktor Thomet is ‘n stormram, ‘n veroweraar, ‘n irriterende plunderaar. Met sy honger veroweringsblik kry hy Elena in ‘n hoek. Sy wou eintlik net saggies gesond word hier in Switserland, ver van haar vernedering, maar Viktor Thomet dons in waar daar nog versigtig getrap moet word.

Sy moet hom kwansuis in die weë van die liefde touwys maak. En dié man steur hom nie aan haar broosheid nie, sy is tog Suid-Afrika se voorste liefdesberader. Hy verorber haar met sy oë, terg haar met sy hande, saai suiwer verwoesting…

Hoe kry sy haar lyf, haar emosies weer sover om te besef die man oefen net?